කෙටි කතාවක් – ලඳුනේ

5
1953

තවත් ලස්සනම ලස්සන
කෙටි කතාවක්…

┏━━━━━°❀•°:🎀 – 🎀:°•❀°━━━━━┓

ලඳුනේ…….

වේලාව මධ්‍යම රාත්‍රී 12.30….. සේවා මුරයට මා පොලිස් ස්ථානයට පැමිණියෙමි…පිරමි පුද්ගලයන් දෙදෙනෙකු හා කාන්තාවන් තිදෙනෙකුද කුමකට හෝ අත් අඩංගුවට ගෙන ඇති බව පෙනේ…

“සිල්වා මේ අය මොනාටද ගෙනත් තියෙන්නෙ….”

“සර් මේ කොල්ලො දෙන්නා ගෙනාවේ ෂෙඩ් එක කොල්ල කන්න ගිහින්…එතකොට මේ ගෑණු තුන්දෙනා බ්ලූ වර්ල්ඩ් හොටෙල් එකේදි ඇරෙස්ට් කරේ ගණිකා සේවයේ යෙදිලා….”

එතැන සිටි කාන්තාවන් බියෙන් වෙව්ලමින් බිම ඉඳගෙන සිටි.එහෙත් එක් කාන්තාවක් මුහුණ බිමට නැඹුරු කරගෙනම සිටී…නැත මගේ දෑසට ඇය හුරුය.මා ඒ කාන්තාවන් අසලට ලං වුණෙමි.මාගේ දිලිසෙන සපත්තු යුගලය මට හුරු ඇගේ මුහුණ ඉදිරියෙනි…

“තමුන්ලා තුන්දෙනාගෙම නම් කියනවලා බලන්න වයසත් එක්කම”

මගේ හඬ දැඩි විය…ඒ ඇගේ මුහුණ බැලීමට ඇති උවමනාවටය…

“සර් මගේ නම කාංචනා….වයස තිස් හතරයි…..”

මට දැනුනේ මෙවැනි සිද්ධීන් ඇයට හුරු පුරුදු බවය…ඇය මා ගණනකට නොගෙන පිළිතුරු දුන් ආකාරය එය මට පසක් කරවිය….

“මේ මේ සර් මගේ න න නම නිශාදි…වයස විසි එකයි….”

ඇය නම් බියගුල්ලියකි…ඇගේ හඬ මෙන්ම ඇයද වෙව්ලයි….

එහෙත් තවමත් මා බලාපොරොත්තු වූ ඇගේ මුව විවර වූයේ නැත…තවමත් ඒ හිස බිමට බරවීමය…
මට ඇතිවූයේ සුලු කෝපයෙකි….

“ඇයි තමුන්ගෙ කට නැද්ද…ආ…කියනවා මොකද්ද නම…වයස කීයද…?”

රාත්‍රිය නිහඬය….මගේ දැඩි හඬ පොලිස් ස්ථානයේ දෙදුරුම් දුනි….

ඇය කෙමෙන් හිස එසවිය….ඒ දෑස ඒ මොහොතේ මගේ දෑස ආක්‍රමණය කරන්නට විය…

“මගේ නම උමායා…වයස විසි පහයි….”

ඒ හඬ මට ඇසුනිද සැකය…එය එතරම්ම අවමය…
එහෙත් ඒ රුව…
හදවත සියුම් ලෙස පිලිස්සෙනවා මෙන් දැනුනි….

————————————

“මචං සුපිරි එකක් බැහැලා අලුතෙන්.ගත්තා මරු ආතල් එකක් ඊයේ….අද උඹ පලයං දැන් තව ටිකකින් ඒකි බහිනවා මෙතෙන්ට…..”

———————–

ඒ මිතුරෙකු විසින් ඇයව මුලින්ම හඳුන්වා දුන් අවස්ථාවයි….

—————————-

“පැය කීයද මහත්තයා….ගාන අපේ මැඩම් එක්ක කතාකරන්න….”

ඒ ඇගේ හඬ ඇසි මුල්ම වතාවයි.
හුරුබුහුටි ඇගේ පහස මට අවැසිය… සුදෝ සුදු නැත…ඇය දුඹුරු ලඳකි…ඒ දුඹුරු පැහැය මගේ ගතට තවරගන්නට අවැසිය…එයට මාගේ පිරිමි ඉවසීම සීමාව පන්නා ඇත….තවත් කල් නොයවා මට ඇගේ පහස උරා ගන්නට අවැසිය ….

“මේ පැයක් ඇති……”

“යං මහත්තයා ඇතුලට….”

ඇය ආශ්වාදය පුදන මැශිමකි….මත් බඳුනකි… ඒ මත් බඳුන මා බී අවසන සිත ගත තෘප්තිමත්ව සිනාසේ….ඇගේ දුරකථනයේ එලාම් හඬ ඇසෙයි….
පැයට තව විනාඩි දෙකකි….ලෝබ කමින් ඒ ගතින් මා ගත වෙන්කර ගත්තෙමි…
ඇගේ නිර්වස්ත්‍ර සිරුර දක්ශ කලාකරුවෙකුගේ සිතුවමක නිමාවක් දැයි මට සිතුනි….කාන්තා ලාස්ය ඇයට ඕනෑවටත් වැඩියෙන් දෙවියන් පුදකර ඇත…එතරම්ම හැඩ සිරුරක් මේ නෙතට කිසිදා මුණගැසී නැති බව නම් විශ්වාසය ….ඒ හැඩයෙන් මා වැනි පිරිමින් ඇය වෙත ඇදෙන්නේ කාන්දමක් ලෙසට විය යුතුය….

“මේ මොකද්ද නම…වයස කීයද…ගොඩක් කල් ඉඳලද මේවා කරන්නේ…”

ඇඳුම් ගත දවටන ඒ නිමේෂයද මට වටින බව හැඟුණි..ඇගේ තොරතුර විමසන්නට සිතක් පහල වූයේ මන්ද නොදනිමි….

ඇගේ අමුතු බැල්ම මා දෙසටය…

“මහත්තයා පොලීසියේ කියල නම් දන්නවා…හැබැයි මගේ විස්තර අහන්නෙ කූඩුවේ දාන්න වෙන්න බෑ…”

ඇගේ බිය නොමැති වදන් මගේ මුවගට සිනාවක් ගෙන් වීය.

“කූඩුවට දාන්න නම් නෙමෙයි තමයි ඒත් ආස හිතුණා තොරතුරු දැනගන්න….”

දැන් නම් ඇගේ සිනහව උපහාසාත්මකය…

“ඔය ආසාව තොරතුරු දැන ගන්න නෙමෙයි මහත්තයා….මගෙන් තවත් දවසකට සතුටු
වෙන්න…”

ඇත්තය මේ එයට ඇති ආශාව නොවේද….ලැජ්ජාවක් දැනුනත් එයට වඩා සිත පිරී ඇත්තේ ඇගෙන් ලැබුණු පහසටය…

දොර අසලට ගොස් ආපිට හැරුණු ඇගේ බැල්ම නැවතත් මා දෙසටය….

“නම උමායා වයස විසි තුනයි….මේ රස්සාවට අවුරුදු හතරයි…. “

“ආ….තව එකක් මහත්තයා ආය මාව ඕන නම් මැඩම්ගෙන් උමායාව ඉල්ලන්න එපා…කවුරුත් උමායව දන්නෙ නෑ….හැමෝටම මම මායා….”

ඇය කටකාරය….පුංචි කෙල්ලකි…..අවසන ඇය නික්මිය.ඒ එදිනට පමණකි….

වසර දෙකක් පුරා විටින් විට ඇගේ පහස සොයා ගිය හැටි මට මතකය…..

අද ඇය අසරණව පොලීසියේ කූඩුව අභියස සිටී….ඒ කටකාර කම වෙනුවට ඇත්තේ නිහඬ බවකි ….

කාන්තාවන් තිදෙනාම කූඩුවට රැගෙන ගියේ මා අසලිනි…ඇගේ වාරයේදී ඇය මා අසලට අසරණව පැමිණ නතර විය…

“මහත්තයා මගෙ දරුවා මං එනකම් බලාගෙන ඇති……..”

එපමණක් පවසා ඇය කූඩුව තුලට ගමන් කලාය….

ඇයට දරුවෙකුද සිටී…ඇය පැවසු අනර්ථයේ අර්ථය මා වටහා ගත්තෙමි…ඒ ඇයට අවැසි මෙතැනින් ඇගේ නිදහසයි….ඇගේ පහස වින්ඳාට ඇය කලගුණ ඉල්ලයි….

————————-

මසක් ගෙවුණි….ගංගාරාම පන්සල බැතිමතුන්ගෙන් පිරී ඇත….ආදරණීය බිරිඳ සහ දරු දෙදෙනා කැටුව අපිරිසිදු සිත පිරිසිදු කර ගන්නට පන්සලට පැමිණියෙමි…..

———————

යලිත් වරක් ඒ රුවය……එදා මගේ මැදිහත් වීමෙන් ඇප ලබා ඈ නික්මුණු මොහොතේ ඒ මුහුණේ තිබූ තුති පූර්වක බැල්ම ඒ ලෙසටම ඒ මුහුණේ ඇඳී ඇත….එහෙත් ඇය තනිව නම් නොව සුරතල් දියණියකුත් සමගය….ඇගෙන් මා දුටුවේ රාත්‍රීයේ ඇය තුලින් දකින සංකර බව නොව පින්සර බවකි…සුදෝ සුදු දිග ගවුමට ඇය පින්සරය….

බිරිඳව මග හැර ඇය අසලට ගියේ ඇගෙන් කුමක් හෝ වදනෙන් දැන ගැනීමටය…

“කොහොමද මායා මේ දුවද…?”

“මේ වෙලාවට මං උමායා මහත්තයා…..ඔව් මේ දුව තමයි….”

“ඇත්තටම දුවෙක් කොහොමද ඔයාට….”

එය නම් මා ඇසුවේ තරමක චකිතයෙනි…..

“මේ රස්සාව කරන්න පටන් ගත්ත මුල් කාලෙමයි දුව ලැබුණේ…..”

“හ්ම්ම් උමායා දැන් ඒ දේවල් කරන්නෙ නැද්ද”

“ඇයි නැත්තෙ කරනවා….හිතුවත් අත් අරින්න බෑ මේ රස්සාව…..”

“එහෙනම් පන්සල් ආවේ….”

“ඇයි මහත්තයා අපිට පන්සල තහනම්ද…?…මට නෙමෙයි මගෙන් උරුම උන ජාතකයට දුවට පින් රැස් කරන්නයි පන්සල් ආවේ….”

නිතරම ඇගේ මුහුණේ ඇති සිනහව සමගින්ම
එසේ පවසා ඇය පිටවුණේ මටත් ඔබටත් යමක් සිතන්නට ඉඩ තබා යි…..ඇත්තෙන්ම ඇගේ දරුවාද මා වැනි පිරිමියෙකුගේ නෝවේද….?

එදා ඇය වෙනුවට පොලිස් කූඩුවේ ලැගිය යුත්තේ මා වැනි දිනෙන් දින ඇගේ පහස සොයා යන පිරිමින් නොවෙද…..එහෙත් ඒ පිරිමින්ගේ පාප කඳට දුක් විඳින්නේ ඇය නොවේද?

ඕනෑතරම් පිරිමින් ඇයව සොයා එයි…එහෙත් ඇයට සැමියෙක් නැත….කිසිදු වරදක් නොකල ඇය වැරදිකාරියකි…..ඇය පිරිමි පව් වලට පින් සොයන්නීය…මේ එවන් එක් ලඳක් පමණි…..මේ ජීවිත ගමනේ මෙවැනි ලඳුන් අනන්ත අපට හමුවනවා ඇත.

පිරිමින් නැති තැන කොයින්ද වෛශ්‍යාවන්………

——————————————————————

ලඳුනේ…ලඳුනේ…
ඔබේ දෑස දැක ගත්තෙමි..
සැඳෑ කලෙක ලඳුනේ…ලඳුනේ
දෙනෝදහක් අත ගත්තද
සැමියෙකු නැති ලඳුනේ
නෑයෙක් නෑකම් නොකියන
වීදි සරණ ලඳුනේ…ලඳුනේ…

තෙල් මල් ගෙන දෝත පුරා
මුනිකුටියට පියමං වන
ඔබේ දෑස දැකගත්තෙමි
සැඳෑ කලෙක ලඳුනේ…ලඳුනේ…

බුදුන් දැක නිවන් දකිමැයි
දෙව්රම් යන පාර අහන
ඔබද පටාචාරාවකි
ඔබද කිසාගෝතමියකි….

පිරිමින්ගේ පාප කඳට
දෝස විඳින ලඳුනේ…
අඳුරේ පව් කරන දනා
එලිය රවන ලඳුනේ…

ලැම පමණක් ලොවට පෙනෙන
ලය නොපෙනෙන ලඳුනේ…
කුහුඹුවෙකුට වරදක් නැති
වැරදිකාර ලඳුනේ…
ලඳුනේ….

ගුවන් විදුලියේ අමරසිරි පීරිස් මහතාගේ “ලඳුනේ” ගීතය ඇසීමෙන් ඇතිවූ සිතුවිල්ලකට ලිවූ කෙටි කතාවකි….එහෙත් එම ගීතයේ වස්තු බීජය තරමක් වෙනස්ය….එහි ගීත රචකයා මුහුණ දුන් සත්‍ය සිදුවීමක් රසවත් ලෙස ගීතයකින් අප රස විඳී …..මෙය මාගේ සිතුවිල්ලක් වූවත් අත්තිවාරම එම ගීතයයි…


කතාවෙන් රසවින්දනයක් නැතුව ඇති…රසවින්දනයකට එහා ගිය පණිවියකුයි මට ලබා දෙන්න ඕනකම තිබුනේ…..
අදහසක් කියන්න….

ස්වප්නා…….

උපුටාගන්නා ලදි

අද කතාව කොහොමද ?
+1
3
+1
45
+1
8
+1
2
+1
2
+1
3
+1
1

5 COMMENTS

  1. Hey, I think your site might be having browser compatibility
    issues. When I look at your blog site in Chrome,
    it looks fine but when opening in Internet Explorer,
    it has some overlapping. I just wanted to give you a quick
    heads up! Other then that, awesome blog! asmr 0mniartist

  2. Hello there! Would you mind if I share your blog with my twitter group?

    There’s a lot of folks that I think would really enjoy your content.

    Please let me know. Thanks asmr 0mniartist

  3. Thanks for one’s marvelous posting! I really
    enjoyed reading it, you’re a great author. I will make certain to bookmark your blog and will
    often come back from now on. I want to encourage yourself to continue
    your great job, have a nice morning! 0mniartist asmr

  4. Pretty section of content. I just stumbled upon your website and in accession capital to assert that I
    get in fact enjoyed account your blog posts. Any way I will be subscribing to your augment and even I achievement you access consistently rapidly.
    asmr 0mniartist

LEAVE A REPLY

Please enter your comment!
Please enter your name here