මගේ දෙවනි මනමාලයා ඔහුයි – 42 කොටස

0
672

❤️❤️ මගේ දෙවනී මනාලයා ඔහුයි..❤️❤️

✍️ දවිත්‍රි ඉසංකා

42 කොටස
☆━━━━━━━━ – ━━━━━━━☆
සතියේ දින පහේ උදේ 08
☆━━━━━━━━ – ━━━━━━━☆

කේෂ්…

දඩබ්බර සිත
පුරාවට පෙම
මා නමින් ඔයහැටි ඉතින්…
සිතුවෙ නෑ මම
ඇති කියාලා
නුඹේ ළඟනම් මහමෙරින්…
දිනෙන් දින හද
නුඹේ සෙනෙහෙට
කරයි ලොභකම් උමතුවෙන්…
ඉතින් මතු හැම
භව පුරාවට
පතමි නුඹවම රත්තරන්…

යුමී…

Dilakshani Chamodya nanga tnqq ☝️☝️❤️❤️
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

” එන්න දෙන්නා එක්ක ඇතුලට.. “

එහෙම කියලා යුමී එක්ක දිස්නා ඇතුලට යන්න යනකොටම ඩිශාන්ගේ මල්ලී කෙල්ල ලඟට ඇවිල්ලා කෙල්ලව බදාගෙන අඬන්න ගත්තේ මහා හයියෙන්..

ඒක දැක්ක කේෂ්ගෙ අත මිට මෙලවුනේ සුපුරුදු කේන්තියෙන්..

මොකද ඩිශාන්ගේ මල්ලී දුශාන්ගේ ගතිගුණ කොච්‍චර හොද වුනත් දුශාන් ඩිශාන්ට වඩා අමුතුම ලස්සනක් තිබුණ කොල්ලෙක්.. මල්ලී කියලා නෑ යුමීට වඩා උසින් වැඩි කොල්ලා , ගානට ජිම් ගිහින් හදා ගත්ත ඇඟ එක්ක තිබ්බේ අමුතුම වෙනස්ම කඩවසම් බවක්..

ඒ නිසාම කේෂ්ට මේ මල්ලී කෙනෙක් කියලා හිතුනේ නැති තරම්… කොල්ලා සුපුරුදු කේන්තියෙන් ඉස්සරහට අඩිය තිබ්බේ කොල්ලට දෙකක් දීලා යුමීගේ ලඟින් අයින් කරන්න.. ඒත් ඒ ගමන නැවතුනේ දුශාන් කියව කියව අඬන ඒවා නිසා..

” අනේ අක්කී කියන්නකෝ මගේ තාත්තයි අයියයි එහෙමද, තාත්තා එහෙම වුනත් අයියා එහෙම නෑ නේද අක්කී.. ඔයා මෙහේ හිටිය ටිකට මගේ අක්කා වගේ හැම දේම කලේ අක්කී.. අනේ කියන්නකෝ මට මේ කිසි දෙයක් හිතා ගන්න බෑ.. “

ඇඟපතින් කොච්චර උස මහත වුනත් දුශාන් එවලේ හැසිරුනේ පොඩී එකෙක් ගානට… කේෂ් ගේ වුනත් කේන්තිය නැති වෙලා ගියේ ඩිශාන් කොපමණ වැරදි කලත් මේ පොඩී එකා ඒවට පලි නෑ කියලා හිතමින්..

කේෂ් හිමීට කොල්ලා ලඟට ආවම කොල්ලා යුමීව වැලඳගත්ත විදියටම කේෂ් වත් වැලඳගත්තේ අඬමින්..

කොපමණ වැරදි කරත් තමන්ගෙ සහෝදරයා, තාත්තා දෙන්නා නැති වීමේ වේදනාව දුශාන්ටත් ඒ විදියටම තිබුනා..

කේෂ් කොල්ලාගේ පිටට තට්ටු කරමින් කිව්වෙ..

” අඬන්න එපා කියන්න බෑ කොල්ලෝ ඒත් බන් උඹ දැන් හොදට ඉඳලා අම්මව බලාගෙන ජීවත් වෙන්නයි ඕනේ.. “

කේෂ් එහෙම කිව්වම දුශාන් කේෂ් ලඟින් ඈත් වෙලා කඳුලු පිහදන් කියන්න ගත්තේ මලානික මූනෙන්..

“ඔව් අයියා.. අම්මා එක්ක මන් මේ රටින් යන්න තීරණය කලා.. මෙහෙ හිටියා කියලා ඇතී දෙයක් නෑනේ.. මේ හැම දාන වැඩක්ම ඉවර වෙලා.. මම හොදට ඉන්න ඕනේ අයියා.. ඒත් මට දුකයි මගේ අයියා එහෙම කරපූ එකට.. මොනවා වුනත් මට තාමත් මේ දේවල් හිතා ගන්න බෑ.. “

” චූටී පුතා ඔය අක්කවයි අයියාවයි ගෙදරට එක්කන් යන්නකෝ ළමයෝ හිටගෙනම කතාව.. තව ටිකකින් හාමුදුරුවෝ වඩම්මන්නත් ඕනේ..”

එහෙම කියාගෙන එතනට ආවේ දිස්නා…

” හරී අම්මා.. එන්න අක්කා , එන්න අයියා.. “

දුශාන් එහෙම කියලා කේෂ්ටයි යුමීටයි ඉඳගන්න කියලා ගෙ ඇතුලට ගියේ ඉතිරි වැඩ ටික බලලා කරන්න හිතාගෙන..

යුමී හිටියේ ඈත පේන ඩිශාන්ගේ මල්මාලයක් දාලා තියන රූව දිහා බලාගෙන.. යුමීගේ හිතට මහ බරක් දැනෙනවා.. මේ ගෙදර ඈතින් දැක්ක වෙලේ ඉදන් දැනුන ඒ මූසල හැඟීම තාමත් එහෙමයි . .

කෙල්ලට හිතා ගන්න බෑ මොනවද මේ තමන්ගේ හිතට වෙන්නේ කියලා.. යුමීට ඕනේ වුනේ මේ අපරාද කරපු අයට දඬුවම් දෙන්න මිසක් මේ ජීවිත නැතී කරන්න නෙවේ.. එහෙම හැඟීමක් කෙල්ලට තියෙන්නේ..

ඈත බලාගෙන වෙනම කල්පනාවක හිටිය කෙල්ලගේ ඒ දැහැන බිඳුනේ කේෂ් කෙල්ලගේ අත උඩින් අත තිබ්බ නිසා.. යුමී ගැස්සිලා වගේ කේෂ් දිහා බලලා ඇස් වලින් ඇයි කියලා ඇහුව්වේ එක පාරට කේෂ් ගේ ස්පර්ශය යුමීව කම්පනයට පත් කරන්න සමත් වුන නිසා..

” මොනවද වස්තු කැටේ ඔච්චර කල්පනා කරන්නේ.. “

” මේ මුකුත් නැ.. “

යුමී එහෙම කිව්ව විදියෙන්ම කේෂ්ට හිතුනා යුමී ඉන්නේ වෙනමම කල්පනාවක කියලා.. එත් එක එවලේ අහන්න සුදුසූ නැතී නිසා කොල්ලා කෙල්ලගේ අතින් අල්ලගෙනම එතනට වෙලා හිටියේ මැනිකක් රකින නා රජෙක් වගේ..

දැන් කේෂ්ගේ මුලු ලෝකේම යුමී වෙලා ඉවරයි.. යුමීටත් එහෙම වුනත් කෙල්ල මේ වෙලාවේ ඉන්නේ පීඩනයක් එක්ක නිසා කේෂ් ගැන ගානක් යුමීට තිබුනේ නෑ..

පැය ගනන් ගෙවී ගිහින් බණ වැඩකටයුතු ඉවර කරලා යුමී එක්ක කේෂ් කාර් එකේ ගෙදර යන්න පිටත් වුනේ දිස්නට පහු වෙනිදා දානෙට හාමුදුරුවෝ පනස් නමටම අට පිරිකර පනහක් ගේන පොරොන්දුව පිට..

කේෂ් කා එකට නැගලා වාහනේ ගාලු පාරට දාලා ටික දුරක් ආවේ කිසිම කතාවක් නැතිව..

” අයියේ.. “

” ම්ම් .. කියන්න වස්තූ කැටේ.. “

” ඔයාට තරහා ගියා නේද.. “

” කොයි වෙලේද.. “

” දුශාන් මල්ලී මාව හග් කරනකොට.. “

” ඔව් ඉතින් මගේ ගෑනිව වෙන උන් අල්ලන්න ඕනේ නෑනේ.. “

” අනේ ඒකා පොඩි එකා අයියේ.. ඇග පත මහතට හිටියට කොල්ලා මාර අහිංසකයි.. ඩිශාන් වගේ නෙවේ.. පුදුම හොද ගතිගුණ තියෙන්නේ.. මන් ගැන එහෙම වැරදි අදහසක් නෑ අයියේ.. “

” ම්ම්.. ඒක තමා මන් ඌට දෙකක් අනින්නෙ නැතුව නැවැත්තුවේ.. 😏😏 එත් මේක කියනවකෝ මැට්ටී කොහොමද මට කේන්තී ගියා කියලා දැක්කේ.. ඔයා හිටියේ මට පිටිපස්ස හැරිලනේ.. 😏”

” ඕ එතන තිබ්බ මීර එකෙන් මම දැක්කා.. 😂😂 අත් දෙක මිට මොලවගෙන, මේ සුදු මූණ සතු වෙනවා.. “

යුමී ඒ ටික කිව්වේ කොල්ලාගේ එක බාහුවක එල්ලිලා මූනට ලං වෙන ගමන්..

කේෂ් කලේ කෙල්ලට බොරුවට රවන එක..

” හම්මේ මගේ සුදු මහත්තයාගේ එවලේ තිබ්බ පැලියාව.. 😂😂”

” මොකක් කිව්වා.. 😏😏 මේකී ගේ කටනම් අම්මපා ඇත්තට… 😏😏 කොයි වෙලාවක හරී දෙනවා මම දෙකක්.. “

” ආ හදලා අමාරු ඇතී මන් හිතන්නේ දෙන්න හදන්නේ.. “

” අනාගතේ හදාගන්න තමා ඉන්නේ.. “

කේෂ් ඒ ටික කිව්වේ යුමීට ඇහැක් ගහන ගමන්.. යුමී තාමත් කේෂ්ගේ අතේ බාහුවක එල්ලිලා ඉස්සරහා බලාගෙන යනවා..

” අයියේ..”

” ඒ පාර මොනවද ඕනේ මගේ මැනිකට.. “

කේෂ් එහෙම අහලා වාහනේ එලවන ගමන්ම කෙල්ලගේ ඔලුව සිප ගත්තේ ආදරෙන්..

යුමී මේ නපුරගෙන් මේ තරම් ආදරයක් බලාපොරොත්තු වුනේ නෑ.. ඒ නපුරු හිත ඇතුලේ මේ තරම් රැකවරනයක් දැනෙනකොට තාත්තා නැති අඩුව යුමීට දැනුනේ අඩුවෙන්..

” මොනවද කල්පනා කරන්නේ දැන් අයියේ ගාලා මොනව හරී කියන්න නේද හැදුවේ.. “

කල්පනා කර කර හිටිය යුමී සිහියට ආවේ කේෂ්ගේ හඬින්..

” මට ගෝල්ෆේස් යන්න ඕනේ.. “

“මේ රෑ … දැන් බෑ වස්තූ කැටේ.. හෙට එක්කගෙන යන්නම්.. “

” අනේ බෑ දැන් අපි එතන පහු කරන්නේ යන්න ඕනේ ඒ නිසා ප්ලීස් යමූකෝ.. “

” නෑ නෑ දැන් අම්මා බලන් ඇතී.. දැන් යමූ ආයේ හෙට එනවනේ එතකොට එමූ.. “

” බෑ බෑ බෑ කිව්වොත් බෑම තමයි හැබැයි පනිනවා මම කාර් එකෙන්.. “

යුමී එහෙම කිව්ව ගමන් කොල්ලා කරේ කාර් එකේ චයිල්ඩ් ලොක් එක දාපූ එක..

” 😂😂 බය වුනා නේද මන් පනී කියල… 😂😂😂 “

කෙල්ල හිනා වුනේ මහා හයියෙන්..

” ඔව් එහෙමට එකීනේ තෝ.. 😏 “

” අනේ ප්ලීස් අප්පා යමූකෝ.. මේ ටයිම් එකට මුහුඳු හුළං වදිනකොට පට්ට.. “

” ආ ඒ කියන්නේ කලින් ඇවිල්ලා තියෙනවා මොකෙක් එක්ක හරී මේ ටයිම් එකට.. “

” ආ ඔව්නේ මම ඩිශාන් එක්ක ආවා ආදර වදන් තෙපලන්න.. මගුලක් කියනවා මෙයා …ඔව් ආවා අම්මලා එක්ක.. සෙද්ද.. 😏😏 “

කේෂ් කට කොනින් හිනා වෙලා හැරෙව්වේ ගෝල්ෆේස් කා පාක් එකට..

යුමී සතුටට ශිට් එකේ ඉදන්ම උඩ පනින්න ගත්තේ කේෂ්ගෙ බෙල්ලේ එල්ලෙන ගමන්..

” තෝ මාව අවුස්සලා ඕන් මන් නරකයි කියන්න එපා වස්තූ කැටේ.. “

කේෂ් එහෙම කිව්වේ මනමාල හිනාවක් යුමීට දාන ගමන්..

තමන් කරපූ දේ බරපතලකම යුමීට තේරුනේ කේෂ් කිව්ව දේවල් නිසා..

දෙන්නා එක්කම කාර් එකෙන් බැස්ස ගමන් කේෂ් කෙල්ලගේ කරට අත දාල ලං කරගත්තේ හරියට මේ ඉන්නේ මගේ කෙල්ල කියලා ලෝකෙට පේන්න වගේ..

යුමීත් ඒ උනුහුමට ගුලි වෙලා ගිහින් මුහුද ලඟ තියන බෙන්ච් එකෙන් වාඩී වෙලා කේෂ්ගේ පපුවට තුරුල් වෙලා අහසයි මුහුදයි පේන විදිය බලන් හිටියේ සැහැල්ලූ හිතින්..

කේෂ් හිමීට කෙල්ලගේ ඔලුවට අත තියලා ලාවට කෙස් අස්සට ඇඟිලු තුඩු යැව්වේ හිමින්..

යුමී එහෙම්මම ඇස් වහගෙන කල්පනා කලේ මේ අපූරූ හමුවීම ගැන..

” වස්තූ කැටේ.. “

” ම්ම්ම්.. කියන්න. . “

” මොනවද අර බණ ගෙදරදී කල්පනා කලේ.. මට කියන්න.. “

” මුකුත් නෑ අනේ.. 😏”

යුමි කේෂ් කිව්ව දේ ගැන නොතකා ඒ කතාව මග අරින්නයි උත්සහ කලේ..

” සයුමී මම හොදින් ඇහුව්වේ මගේ යකා අවුස්සගන්නේ නැතුව කියනවා.. “

” ඉතින් මුකුත් නැත්නම් මන් මොනවා කියන්නද.. 😏😏 “

යුමිත් කේෂ්ට නොදෙවනිව කෑ ගැහුව්වේ සුපුරුදු පරිදි..

කේෂ් එතන තියෙන ගලකට පයින් ගහලා නැගිටලා ගිහින් මුහුද දිහා බලලා හිට ගත්තේ අතින් කොන්ඩේ පිටිපස්සට අදිමින්..

යුමී බෙන්ච් එකේම ඉදගෙන කල්පනා කලේ මේ හිතේ තියෙන දේ කොහොමද කේෂ්ට කියන්නේ කියලා.. එහෙම හිතලා කෙල්ල එක පාරටම නැගිටලා ගිහින් කේෂ්ගේ පිටට හේත්තු වෙලා පපුව මැද්දෙන් අත තියාගෙන , පිටට මූන තිබ්බේ ඕන දෙයක් වෙන්න මේ දේ කේෂ් එක්ක කියලා හිත නිදහස් කරගන්නවා කියලා හිතමින්..

ගලක් වගේ කේෂ් හෙලවෙන්නේ නැතුව හිටියේ.. කෙල්ල මේ හදන්නේ තමන්ට මොනවාම හරි දෙයක් කියන්න යනවා කියලා දැනුන නිසා..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

• යුමී කේෂ්ට මොනවා කියයිද.. ?

• යුමී කියන දේ නිසා කේෂ් මොන වගේ හැසිරෙයිද.. ?



~~~~~~~~~~~~~~~~~~~~~~~~~~~~
Saduni Mal Kumari Pathiranage මගේ අක්කා තැන්කිව් ❤️❤️👇👇👇👇👇👇👇👇

~~~~~~~~~~~~~~~~~~~~~~~~~~~~

යුමී කේෂ්ට

ආඩම්බර හිතත් හෙල්ලුනා
නුඹේ දගකාර වැඩ ලග
හෙමින් හෙමින් ආදරේ පිරිලා
නුබ නමින් මගේ හද ගැඹේ

ආඩම්බර මගේ හදවත
නුබ නමට සදහට ලිවුවා
මේ පන ගැහෙන්නේ
නුබ නමින් හුස්ම ඇති තුරාම

දඩබ්බර නුබේ හිතේ
මගේ නමට ලියු ආදරේ
රැක ගන්න රත්තරං
මගේ පන යනතුරුම

නුබ නොමැති ලොකයේ
බෑ හුස්ම ගන්න මට
ඒ නිසා දුන් සෙනේ
හැමදාම මට දෙන්න

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

➡️➡️ හමුවෙමු තවත් කොටසකින්

#හැමෝම_පරිස්සමෙන්_ඉන්න..

#හැමදාම_මට_ලයික්_කමෙන්ට්_කරන #ආදරණීය_පාඨකයන්ට_ආදරෙයි_පැලෙන්න ..

ඔයාලා හැමෝටම,

බුදුසරණයි! ❤️❤️
ජේසූ පිහිටයි! ❤️❤️
දෙවි පිහිටයි! ❤️❤️

අද කතාව කොහොමද ?
+1
4
+1
98
+1
4
+1
5
+1
0
+1
3
+1
0

LEAVE A REPLY

Please enter your comment!
Please enter your name here